Шефот на албанската дипломатија, Дитмир Бушати, преку својот профил на „Твитер“ го поздрави усвојувањето на уставните измени изгласани во македонското Собрание. Тој напиша дека со изгласувањето на земјата ѝ се отвора патот кон членството во ЕУ и НАТО.

Смета дека придонесот на албанските политички партии во Македонија повторно се покажал како одлучувачки фактор, а гласањето на Преспанскиот договор претставува потврда на политичката способност за деблокирање на патот кон НАТО и ЕУ.

Лидерот на Демократската партија, Љуљзим Баша го поздрави усвојувањето на уставните измени. Оцени дека ова е чин на висока политичка одговорност е историски чекор за консолидирање на регионот.

„Го поздравувам изгласањето за уставните измени од Парламентот на Северна Македонија. Овој чин на висока политичка одговорност е историски чекор за консолидирање на регионот како дел од евроатлантското семејство кој го зајакнува мирот, безбедноста и демократските вредности“, напиша Баша  на Твитер.

На изгласувањето на уставните измени реагираше и поранешниот шеф на албанската дипломатија Тритан Шеху.

На Фејсбук, Шеху напиша дека Северна Македонија во НАТО ќе биде многу поблиску до Европската унија и Западот.