СЕ ОГЛАСИ ЈАНУШЕВ, НО НЕ ГИ КАЖА ЛИЧНИТЕ ПРИЧИНИ - ВМРО-ДПМНЕ е мојот дом
Јавноста очекуваше попрецизни информации, но досегашниот генерален секретар на ВМРО-ДПМНЕ, Игор Јанушев, се досега не ги открива личните причини за неговата оставка од оваа висока и престижна партиска функција.
Сепак тој, вчера за јавноста реши да појсни некои работи, преку својот фејсбук профил. А тие се дека ќе остне во неговата матична ВМРО-ДПМНЕ, која е негов дом, и каде што е долги години, ќе се бори со, како што ја нарекува, мафијата, се до конечна победа. На лидерот Христијан Мицкоски, пак, му ја искажува својата лојалност.
„ВМРО е мојот дом, половина живот го посветив на организацијата - 21 година сум член на партијата, од в.д. претседател на МК на УМС до генерален секретар, така и ќе остане.
Благодарност до сите со кои овие три години дишевме како едно.
Битката продолжува затоа што имаме незавршена работа. Ги повикувам сите на кои Македонија им е важна да се спротивстават на мафијата.
Претседателе членството е со вас, одиме до крај.
Се гледаме на протестите, улиците, се до конечна победа.
Да живее ВМРО, да е жива Македонија!“, пишува Јанушев.
Неговата оставка беше едно од најголемите изненадувања по завчерашната седница на Извршниот комитет на ВМРО-ДПМНЕ. За неа се појавија и бројни шпекулации. Мицкоски наведе дека причините се лични, но дека Јанушев ќе остане да помага во партијата.
Лидерот не откри кој ќе го замени Игор Јанушев на оваа функција.
Слично
Поврзани вести
