Собранието на денешната седница расправаше по барањата на судот за симнување на пратеничкиот имунитет на шестмината пратеници кои се во притвор.

Шестмината пратеници се дел од 36-те лица кои основното јавно обвинителство ги гони за „терористичко загрозување на уставниот поредок и безбедноста“, во врска со настаните од 27 април годинава во Собранието.

Со мнозинство од 66/67 гласа „ЗА“ пратениците присутни во собраниската сала одлучија да им се симне имунитетот на шестмината пратеници.

Крсто Мукоски, Љубен Арнаудов, Јохан Тарчуловски,  Сашо Василевски, Жаклина Пешевска и Љупчо Димовски повеќе не ги штити пратеничкиот имунитет.

Како што соопштивме, пратениците од редовите на ВМРО ДПМНЕ не беа дел од оваа собраниска седница.