Поради трагедијата која се случи во Кочани, каде што во пожар во дискотеката „Пулс“ изгореа 59 жители од градот и околината, организаторите на популарното шоу „Глумците пеат“ решија да ја одложат минифестацијата. 

Настанот требаше да се одржи на 8 и 9 април во Македонскиот народен театар (МНТ), но поради трагедијата тој нема да се одржи. Нов датум за настанот се уште не е одреден, но беше истакнато дека купените влезници ќе важат за новите термини. 

- Се одложува шоуто „Глумците пеат“, кое беше закажано за 8-ми и 9-ти април во МНТ.

Ова шоу постои да носи радост и заедништво, но во моментов никој од нас нема сила за тоа. Новите датуми ќе ги објавиме набрзо. Купените влезници ќе важат за новите термини.

Ви благодариме на разбирањето, велат организаторите - стои во објавата која се споделвуа на социјалните мрежи.

Ова е трето возобновено издание на манифестацијата која ја создаде актерот Марин Бабиќ, кој почина во октомври 2022. Настанот сега го организираат неговите ќерки Маја и Ира Бабиќ во негова чест. Во 2023, „Глумците“ се вратија на сцената по 17 години пауза.