Граѓаните на Македонија ги живеат најтешките денови во историјата од постоењето на нашата држава.

На 16-ти март во дискотеката „Пулс“ во Кочани за време на концертот на групата ДНК и нивниот бенд избувна пожар.

Помеѓу загинатите се и дел од бендот, вокалот Андреј Ѓоргиевски, тапанарот Ѓорѓи Ѓоргиев, гитаристот Александар Коларов, клавијатуристот Филип Стевановски, придружниот вокал Сара Пројковска, битбоксерот Мартин Атанасовски и тонецот на бендот Игор Велков.

Помеѓу повредните од бендот се Владимир Блажев Панчо кој е на лекување во Аџибадем Систина во Скопје и гитаристот од Штип, младиот Горан Тонев кој е на лекување во некоја од европските земји, додека Ана Костовска другиот придружен вокал на бендот е на домашно лекување.

Инаку Тонев е дипломиран музичар изведувач – гитара на Музичката Академија на Универзитетот „Гоце Делчев“ во Штип и пејач, тој во 2020 година дебитираше на „Макфест“ со песната „Моја и твој“, а исто така беше дел од големото музичко шоу „Ѕвездите на Гранд“ каде беше во тимот на Цеца Ражнатовиќ и Ивана Петерс.