Властите во јужнокорејскиот град Инчхон планираат да изградат забавен комплекс по примерот на главниот град на коцкање во САД, Лас Вегас. Проектот ќе чини 290 милијарди долари, наречен е „ 8City“ и  мора да биде подготвен до 2030 година. Комплексот ќе биде лоциран на островот, кој се наоѓа недалеку од Инчхон и на 28 километри од јужнокорејската престолнина Сеул. Ќе има хотели, казина, ресторани, барови, трговски центри, концертни сали и сопствена Марина.  Корејскиот Град на гревот ќе биде во форма на осмица, а инвеститорите планираат да ги надмине по популарноста дури и Вегас и Макао, привлекувајќи годишно 134 милиони посетители. Меѓу акционерите за развој на проектот се хотелскиот оператор „Kempinski“, авиопревозник „Korean Air“ и „Daewoo Engineering and Construction“. За сега се обезбедени 2.8 милијарди долари од јужнокорејски инвеститори, како и 1 милијарда од британската компанија „Sanbar Development Corp“.