Јавноста ја чека одлуката на Кривичен дали ќе се „дрзне“ да му противречи на екс премиерот кој повеќе од очигледно се уште ги држи во рака конците на судството.

Денес треба да се даде одговор на барањето на СЈО за притвор на првиот опозиционер Никола Груевски.

Судот вчера информираше дека одлуката за обвинетите: лидер на ВМРО-ДПМНЕ Никола Груевски, ексминистрите Гордана Јанкулоска и Миле Јанакиески, и Мартин Протоѓер и Кирил Божиновски ќе се соопшти денеска.

Ако се имаат предвид досегашниот одбиени барања за мерки притвор извесно е дека судот ќе одбие да издаде притворање на Груевски.

СЈО на последната прес конференција најави дека ќе поднесе нови 17 обвиненија во врска со скандалот за прислушување од пред две години, со кои ќе бидат опфатени 94 лица и седум компании.