Првите луѓе на дипломатиите на Македонија и Грција се очекува да остварат нова средба кон средината на овој месец на која меѓу другото ќе се разговара за текот на преговорите за спорот за името.

Министрите за надворешни работи на Македонија и на Грција, Никола Димитров и Никос Коѕијас, ќе се сретнат во Софија на 15 и 16 феваруари, на маргините на неформалната средба на шефовите на дипломатиите на земјите од ЕУ и државите кандидати за членство, објави Независната Балканска новинска агенција – ИБНА.

Вчера, како што објави МИА, македонскиот премиер Зоран Заев, најави дека следната недела треба се одржи нова средба на шефовите на дипломатиите на Македонија и на Грција, Димитров и Коѕијас со посредникот на ОН Метју Нимиц.

Најавите за интензивирање на процесот за решавање на прашањето за името следуваат по последните изјави на Заев дека Скопје може да прифати географска одредница, како и на Владата во Атина дека останува активно ангажирана во процесот.