Опозициската СДСМ реагираше на соопштението на претседателот на Собранието, Трајко Вељаноски во кое се вели дека седницата за распуштање на парламентот ќе се одржи на 17-ти октомври (понеделник) и тоа ќе биде втора точка на дневен ред по донесувањето на Буџетот за 2017-та.

„СДСМ достави кристално јасна иницијатива за распуштање на Собранието на Македонија веднаш“, реагираат од СДСМ.

„Токму Трајко Вељаноски, со едно соопштение, ја разобличи провидната намера на ВМРО-ДПМНЕ да го избегне распуштањето на Собранието и да избега од избори на 11 декември.

Пратеничката група на СДСМ и коалиционите партнери ќе присуствуваат и ќе гласаат за распуштање на Собранието денеска во термин во којшто претседателот на Собранието ќе ја закаже седницата“, велат од СДСМ.

Од СДСМ доставија и писмо испратено од Вељаноски до пратениците во Собранието денеска, а во кое стои дека рокот за поднесување амандмани за Буџетот е до петок.