СДСМ со фотографија: Мицкоски седи со уапсен за дрога од 120.000 евра
СДСМ објави фотографија за која тврди дека лидерот на ВМРО-ДПМНЕ, Христијан Мицкоски, е седнат до скоро уапсено лице од Грчец за дрога вредна 120.000 евра. На објавената фотографија е и пратеникот Антонијо Милошоски, а владеачката партија соопшти дека уапсениот бил фатен од полицијата во акција на 3 декември.
„Нов скандал: Мицкоски на иста маса со уапсен за трговија со 32 килограми дрога!Мицкоски седи на иста маса со лицето М.А од Грчец (крајно десно) уапсен за трговија со 32 килограми дрога во полициска акција со која е пресечен меѓународен канал за шверц на дрога.
Акцијата на полицијата е од 3-ти декември оваа година а токму со возилото на лицето М.А со кое седи Мицкоски била превезувана дрога вредна 120.000 евра.
Што бараат Мицкоски и Милошоски, на иста маса со лица од подземјето, кои биле дел од меѓународен синџир за шверц на дрога? Многу бело се насобра околу ДПМНЕ. Пукаат скандали тоа со дрога секој ден“, објави СДСМ.
Вчера претходно СДСМ на прес-конференција обвини дека лице блиско до Мицкоски и градоначалникот на Охрид, Кирил Пецаков, било фатено од МВР како употребува наркотични средства во угостителски објект.
Александар Толоманоски по пријавата од МВР за поседување наркотични средства е веднаш разрешен од местото претседател на месниот комитет Пештани во Охрид и во најитен рок ќе биде исклучен од партијата, соопштија од ВМРО-ДПМНЕ.
Слично
Поврзани вести
