Опозицијата се јави со став откако јавноста дозна за потерницата на бизнисменот Сеад Кочан.

Од СДСМ велат дека осомничените соработници на ВМРО-ДПМНЕ бегаат бидејќи знаат дека е готово

„Бегството на Сеат Кочан, бизнис партнерот на Никола Груевски и на ВМРО-ДПМНЕ, за што се информира во јавноста, покажува дека раководството на ВМРО-ДПМНЕ и нивните соработници не ги интересираат ни граѓаните ни државата, само како да се спасат од одговорноста за 10-годишните криминали“, посочуваат во соопштение до јавноста од СДСМ.

Од партијата на Заев кој го чека мандатот од шефот на државата велат дека е неопходно брзо формирање на реформска Влада, која ќе ги заштити интересите на граѓаните и на државата.