СДСМ реагира на повиците на опозицијата да не се учествува на прославите на Илинден како еден од најзначајните македонски празници со кој се одбележува Илинденското востание и заседанието на АСНОМ во Прохор Пчињски.

„Со повикот до своето членство да не присуствува на одбележувањето на еден од најзначајните датуми во историјата на Македонија, ВМРО-ДПМНЕ продолжува со старата пракса на создавање поделби и тензии меѓу граѓаните“, стои во соопштението на СДСМ.

- Оние кои лажно повикуваа на четврти Илинден, решија да го бојкотираат чествувањето токму на Илинден и на 2-ри Август, со што го погазуваат вековниот стремеж за слободна и независна Македонија.

ВМРО-ДПМНЕ мора вистински да се реформира, да се надмине себеси и деструктивниот начин на однесување и конечно да стави крај на политиките што создаваат поделби меѓу граѓаните.

Одбележувањето на 2-ри август е заедничка вредност на сите граѓани на Република Македонија без разлика на нивната партиска, етничка или религиска припадност.

ВМРО-ДПМНЕ ниту смее, ниту може да им сугерира на граѓаните дали и како да го чествуваат празникот што е длабоко врежан во историјата на нашата заедничка Република Македонија“, стои во соопштението на СДСМ.