СДСМ повторно ја обвини власта дека нема реални политики со кои ќе го намали загадувањето кое е забележително и во период на снежни врнежи и ниски температури. 

- Власта во заминување досега не презема ништо против загадувањето, поради што болниците се преполни со хронични болни, но и со деца! Во ризик е здравјето на граѓаните! Има и жртви. Загадувањето на воздухот, и лекарите велат дека е една од причните за компликациите по здравјето на луѓето.

Еве, синоќа на мерната станица Битола 2 измерени дури 808 микрограми на еден кубен метар ПМ10 честички, што е за 16 пати повеќе од максимално дозволената граница. Во Лисиче се измерени 714 микрограми на кубен метар, што е за 14 пати над дозволеното. Во општина Центар се измерени 625 микрограми на еден кубен метар ПМ10 честички, односно 12 и пол пати надмаксимално дозволената граница, изјави Пеце Мирчески, претседател на Комисијата за животна средина и член на Извршниот одбор на СДСМ.