СДСМ возвраќа на изјавите на Груевски дека прави обид за дефакторизација на македонското мнозинство во обид да формира влада со албанските партии. За СДСМ поважно е заедништвото и стабилноста и дека единствено повеќе фактор во Македонија нема да биде Груевски и неговата власт.

- Граѓаните на Македонија го избраа концептот на заедништво, наспроти концептот на поделби и тие веќе ги одбранија интересите на Република Македонија. Граѓаните избраа правда и живот и со тоа ги одбранија своите интереси и интересите на своите деца, кои ќе живеат во современа, стабилна и безбедна, праведна и правична, единствена Република Македонија.

Сите граѓани знаат дека Никола Груевски ги употребува своите последни сили да им наштети на нив и на државата, во очајните обиди да се спаси себеси. Се виде дека се што тој тврдеше е лага. Нема федерализации, нема кантонизации, нема редефинирања. Има само дефакторизација на криминалната власт на ВМРО-ДПМНЕ, којашто одбројува часови до својот политички крај. Затоа власта во заминување е немирна, а граѓаните се спокојни, велат од СДСМ.