Денеска СДСМ ќе го објави кандидатот за технички премиер, откако претходно одлуката ќе мине низ процедурите на Извршниот и Централениот одбор, а министрите за внатрешни работи и за труд и социјална политика Оливер Спасовски и Мила Царовска се фаворити за оваа функција.
Еден од нив најверојатно ќе го наследи актуелниот шеф на Владата, Зоран Заев, на 3 јануари, кога тој ќе треба да си поднесе оставка на точно 100 дена пред предвидените парламентарни избори според Пржинскиот договор. Интересно е тоа што и Спасовска и Царовска се единствените министри кои ќе треба да си дадат оставка, бидејќи на нивно место ќе дојдат наименувани функционери од редовите на опозицијата.
Во 18 часот ќе биде закажан состанок на Централниот одбор. Пред тоа ќе заседава Извршниот одбор, а ќе бидат објавени и останатите позиции коишто ќе бидат во новата влада од 3 јануари, рече Николовски.
Според проценките на СДСМ, Спасовски и Царовска имаат висок кредибилитет во јавноста и се партиски потпретседатели на партијата.
