СДСМ: Да се прогласи епидемија на гастроентеритис во Гостивар
СДСМ смета дека епидемијата во Гостивар постои и дека е потребно надлежните да ја прогласат, по пиењето загадена вода и околу 1.500 случаи кои се пријавија во градската болница.
„Пораките од експертите се јасни - епидемија на гастроентеритис во Гостивар постои, без оглед дали официјално ќе биде прогласена или не.
Со прогласување на епидемија се овозможува побрза и поефикасна координација на институциите и спроведување мерки за спречување на понатамошното ширење на заразата.
Во Гостивар заболени се илјадници граѓани, а состојбата бара сериозна и одговорна реакција од надлежните институции“, побара СДСМ.
Од опозициската партија сметаат дека прогласувањето на епидемија не е политичко прашање, туку прашање на јавно здравје и заштита на граѓаните.
„Институциите имаат должност да реагираат соодветно и да ги преземат сите неопходни мерки за заштита на населението.
Граѓаните на Гостивар во моментов се соочуваат со сериозен здравствен проблем. Од надлежните институции се очекува да постапат професионално и одговорно, врз основа на експертските оценки“, додаваат од таму.
Слично
Поврзани вести
