СДСМ бара вонреден надзор и анализи на сите водоснабдителни станици во државата.

Лидерот на СДСМ,  Венко Филипче денеска побара итно да се спроведе вонреден надзор и анализи на сите водоснабдителни станици во државата и јавно да се објават резултатите од физичките анализи, матност, мирис, како и хемиски анализи за нитрати, нитрити, амонијак, микробиолошки анализи и анализи за хлорирањето. Тој побара и политичка и кривична одговорност за сите коишто учествувале во, како што кажа, прикривање на информациите за труењето во Гостивар.

„Ова што се случи во Гостивар не е само еден изолиран случај. Станува збор за системски знаци би рекол на неефикасност, нефункционирање“, рече Филипче.

Инаку, и водата во Крушево бактериолошки е неисправна и од Центарот за јавно здравје Прилеп предупредија истата да не се пие.

Во Гостивар повеќе од 3.000 луѓе има стомачни тегоби.