СДСМ бара оставка од Милошоски доколку се потврди дека бил осуден во Германија
Oд СДСМ бараат одговорност и оставка од пратеникот од ВМРО-ДПМНЕ, Антонио Милошоски доколку се потврди дека бил осуден во Германија за фалсификување документи.
,,Какви кривични дела сторил во 2004 и 2005 година во Германија? Зошто ги криел податоците од граѓаните? Дали интензивното генерирање лажни вести е за да го прикрие сопствените криминали? Ако се потврдат овие информации, Милошоски треба јавно да се извини, да побара прошка од граѓаните и веднаш да поднесе оставка“, велат од партијата.
Од владејачката партија го повикаа пратеникот да објасни за какви кривични дела станува збор и доколку се вистинити да даде отчет пред граѓаните и институциите.
Слично
Поврзани вести
