По повеќе од еден месец работа, вистината за тоа како беше уништена Општина Сарај сега е пред граѓаните, се вели во соопштението на политичката партија ВРЕДИ.

Од таму посочуваат дека близу 4 милиони евра долгови, сомнителни договори и нерегулирани трошоци се наследството што го пронашол градоначалникот Мухамед Елмази. 

- Ова не е изолиран случај, туку модел на лошото владеење на ДУИ со години секаде каде што имало власт без контрола и без отчетност. Сарај е најчистиот пример за начинот на кој ДУИ управувала со општините, без ред, без одговорност и со логика дека институциите се третираат како лични феуди на нивните групи.

Денес, Сарај започнува од нула, со финансиски ред, со целосна транспарентност и со администрација што работи само за граѓаните. ВЛЕН го поддржува секој чекор на градоначалникот Елмази за документирање на злоупотребите и испраќање на сите случаи до надлежните органи. Никој нема да биде заштитен и ниедна злоупотреба нема да биде скриена - напоменуваат од партијата. 

Потоа додават дека граѓаните на Сарај ќе ја видат разликата помеѓу она што ДУИ го остави зад себе, долгови, сомнителни договори и хаос, и она што носи ВЛЕН, ред, одговорност и јавна служба.

Инаку вчера градоначалникот на Општина Сарај, Мухамет Елмази на прес-конференција истакна дека општината се справува со акумулиран долг од 170 милиони денари, кој бил утврден со внатрешна анализа.

- Овие обврски се документирани и имаат јасно име: на градинките им се должат 15 милиони денари, на ЈОП Сарај 28 милиони денари, на компанијата АКЦИОС за јавно осветлување 5 милиони денари, додека на ЈОП ДЕЛТА 3  милиони денари. Овие долгови ги држат сметките на општината блокирани и го оневозможиле обезбедувањето основни услуги - рече Елмази.

Оваа состојба, нагласи, е резултат на неконтролирано трошење и неодговорни одлуки што беа донесувани со години.

- Во интерната анализа откривме сомнителни договори, неразумни договори и трошоци направени без милост. Ова се практики кои немаат никаква врска со јавниот интерес и кои ја втурнаа општината во финансиски хаос. Сите се документирани и надлежните органи се известени, бидејќи ова ново општинско раководство не штити никого и не ги затвора очите пред злоупотребите. Извршителите се сè уште активни и секој ден постои ризик од нови блокади. Ова е реалноста што ја откривме, општина заглавена во долгови и неорганизирана - рече Елмази.

Посочи дека Сарај повеќе нема да се управува со логиката на импровизација или со начинот на размислување „нека некој друг го реши проблемот“. 

- Почнавме да воспоставуваме финансиски правила, да ја зајакнуваме внатрешната контрола и да ја зголемуваме транспарентноста на највисоко ниво. Секој трошок, договор или дури и одлука сега поминува низ филтерот на одговорност и професионализам. Претставувајќи ви ја оваа ситуација, денес ја поставивме нултата точка, точката од која Сарај почнува да се издига над отчетноста, над редот и над одговорноста. Ќе ја извадиме општината од блокадите, ќе го вратиме нормалното функционирање и ќе го гарантираме исполнувањето на ветувањата, поставувајќи го стандардот на општинска  администрација што работи само за граѓаните и во интерес на граѓаните - потенцираше Елмази.