Само во две земји од ЕУ лани граѓаните не добиле покачување на платите. 

Станува збор за Хрватска и Кипар. Во сите други земји имало раст на плати, вклучувајќи ги Грција и Португалија, каде има мерки за штедење и каде уште има криза. 

За над 5% пораснале платите во Романија и Унгарија, а за помалку од 1% се зголемиле платите во Шпанија, Белгија, Финска и Италија. 

Во повеќето земји од ЕУ имало раст на платите во државниот и приватниот сектор. 

Во јавен сектор не се покачиле платите во Полска, а стагнирале и во Кипар, Финска, Италија и Луксембург. 

Скромно намалување имало и на платите во јавниот сектор во Словенија. 

Во повеќето земји на ЕУ привремените вработувања сочинуваат 10% од сите вработувања.