Во ковид центарот во Дебар има само еден пациент. 

Баки Алили, директор на Општата болница со проширена дејност во Дебар вели дека епидемиолошката состојба со коронавирусот, како и на ниво на држава и на подрачјето на Дебар и Центар Жупа е стабилна. 

„Станува збор за повозрасна жена од општина Центар Жупа, која е на повремена кислородна поддршка. Ова е најмала бројка до сега од отворањето на центарот, во почетокот на ноември минатата година. Оптимист сум дека веќе го гледаме светлото на тунелот, но сепак, моја порака е дека треба да бидеме внимателни“, изјави Алили за МИА.

Вчера попладне и покрај сите напори на здравствениот персонал, во Ковид центарот, како последица од опасниот вирус, почина жител на општина Центар Жупа.

foto freepik