Две лица поминале со лесни повреди во скопската населба Ченто откако во нивниот автомобил завршиле 30-тина куршпуми од полу-автоматска пушка „Калашников“ испукани од друго возило во движење и без регистарски таблички.
Едното лице е во болница и е надвор од животна опасност, а второто било пуштено на домашно лекување. Македонската полиција претпоставува дека се работи за крвна одмазда.
Случајот бил на улицата „Алија Авдовиќ“ каде бил изрешетан „мерцедес-бенц“ од страна и од напред, но двете лица кои биле внатре поминале без посериозни повреди.
Двете лица во возилото од кое било пукано веднаш избегале. Во текот на денот се очекуваат и официјални информации од МВР.
