Полицијата им ги одзела возилата на неколку сопственици, со оглед што тие биле користени за диви трки. Дел од нив ќед платат и прекршочни казни. Но, притоа треба да се имна предвид дека возилата се времено одземени. 

„На 17.03.2025 од страна на Одделението за безбедност на патниот сообраќај при СВР Скопје привремено се одземени четири патнички моторни возила: „мерцедес“, „ауди“, „шевролет“ и „ форд мустанг“ поради учество во т.н. „диви“ трки на бул. „Трета Македонска бригада“ во Скопје. По дополнително преземени мерки и извршени проверки во станица за технички преглед, две од овие возила се времено одземени по член 344 став 3 од Законот за безбедност на патниот сообраќај во времетраење од 90 дена, односно затоа што создавале голема бучава. Исто така, против двајца возачи на другите две патнички моторни возила поднесени се прекршочни платни налози за техничка исправност и вградени фолии“, се вели во соопштението од Министерството за внатрешни работи.