Актуелниот министер за информатичко општество и администрација Азир Алиу во „10 минути“ на ТВ21 даде свое мислење за политичкиот профил на вицепремиерот Артан Груби. За него тој рече дека постојано се обидува да покаже моќ, објаснувајќи дека според него, тој е „хибриден профил помеѓу нарцизмот и макијавелизмот“.

„Ако го анализирате политичкиот профил на Артан Груби, тоа е хибриден профил помеѓу нарцизмот и макијавелизмот. Зошто велам дека тоа е хибриден профил помеѓу макијавелизмот и нарцизмот? Во овој политички профил има неколку карактеристики, кои ги дефинирав во хибридна форма. Сака многу внимание, има огромна желба да биде моќен, да рефлектира моќ. Од друга страна е личност која има минимална емпатија кон другите. Манипулативен профил кој прави сѐ за да ги постигне своите цели“, рече Алиу.

Според него, вицепремиерот Груби е личност која прави поделби, додавајќи дури и дека поради ваквиот комплексен профил на Груби, дошло и до „поделба во ДУИ“.