Владата потрошила триста седумдесет и три илјади евра во првите шест месеци од владеењето. Најмногу пари, 6 милиони денари се потрошени за кафиња и ручеци по мензите и рестораните во рамки на институциите.

Голем дел од парите се трошеле за авионски билети и хотелски сместувања во странство. Ова го покажува новата алатка за следење на трошоците на јавните функционери. На сајтот на Владата граѓаните едноставно ќе можат да видат колку пари и за што потрошиле премиерот, министрите и замениците министри.

За разлика од Владата на Никола Груевски во 2014 која за првите 6 месеци од годината потрошила околу 44 миилиони денари, актуелната Влада потрошила двојно помалку пари.