Роковите течат, а eкс премиерот и пратеник Никола Груевски кој треба да издржува затворска казна, не се јавил во затвор. 

Нему утре судските службеници повторно ќе се обидат да му го достават решението. 

Груевски вчера не дојде ниту на Комисија за уставни промени, поради чиј што ангажман бараше одложување на издржување на затворската казна. Тој треба да лежи во затвор за случајот „Тенк“ за набавката на мерцедесот. Груевски е осуден за незаконито влијание за набавка на ултра луксузниот мерцедес вреден 600.000 евра.

Доколку се случи Груевски утре да не се јави на суд за случајот „Титаник“, тогаш судот може да процени дека тој не е достапен за органите на прогонот, да издаде наредба за апсење, а потоа и потерница. 

Од неговата партија велат дека се работи за прогон со цел омаловажување.