По оваа недела истекува крајниот рок за формирање на новата влада . Екс премиерот Никола Груевски има време до 29 јануари да потврди дека има парламентарно мнозинство и може да формира влада.

Досега Груевски и Али Ахмети, лидерот на партијата на албанската етничка заедница, која освои најголем дел од гласовите, одржаа само една средба. Затоа се очекува во наредните денови да се одржат нови разговори.

СЕ НАЅИРА КОАЛИЦИЈАТА: Ахмети ќе удоволи на барањата на Груевски или обратно?

Сепак, никој не може да предвиди што ќе се случи, ако Груевски и Ахмети не постигнат согласност за формирање влада. 

Експертите го толкуваат уставот според различни мислења.  Според некои мандатот треба да и биде даден на втората партија, во случајот СДСМ, според други Груевски треба да добие дополнителни 10 дена за да се договори за коалиција.