Кандидатите за градоначалник на Скопје на ВМРО-ДПМНЕ и СДСМ, Орце Ѓорѓиевски и Каја Шукова расположено се поздравија на денешното потпишување на Кодексот за фер и демократски избори. 

Ѓорѓиевски, кој ги објави фотографиите, рече дека ставил потпис со голема чест и одговорност.

„Овој потпис е јасна и јавна обврска дека како кандидат за градоначалник на Скопје на претстојните локални избори ќе бидам гарант за процес кој ќе биде транспарентен, фер и достоен за доверба“, напиша Ѓорѓиевски на Фејсбук. 

Шукова пак, ги „прескокна“ фотографиите со него и не ги сподели на социјалните мрежи. Но, се обврза на кампања во духот на демократските вредности. 

„Верувам дека изборите мора да бидат водени со почит, транспарентност и фер натпревар, затоа што граѓаните заслужуваат процес во кој секој глас има еднаква тежина“, напиша Шукова. 

Покрај нив, потпис ставија и другите кандидати за градоначалници.