Eкс потпретседателот на партијата Интегра, Воислав Зафировски заедно со дел од досегашни структури на Интегра влегува во ВМРО-ДПМНЕ.

Зафировски денеска го обвини претседателот на Интегра, Љупчо Ристовски дека ја претворил партијата во секта.

Вели дека од Интегра во ВМРО-ДПМНЕ преминуваат и меѓународниот секретар на партијата, носителот на изборната листа од петтата изборна единица, координаторот на шестата изборна единица, како и други носители на различни функции во рамки на претседателството, но и лидерските тимови на Интегра. Покрај членовите на претседателството, вели Зафировски, во ВМРО-ДПМНЕ преминуваат поголемиот број претседатели и членови во општинските комитети на Интегра во Карпош, Центар, Велес, Битола, Ресен, Демир Хисар, Штип, Новаци, Могила, а најава има и од поголем број други општински комитети.

Од Интегра претходно соопштија дека Зафировски е разрешен. 

Првиот човек пак на ВМРО-ДПМНЕ, Христијан Мицкоски пак изјави дека Интегра се интегрира во ВМРО-ДПМНЕ и дека опозицијата се окрупнува. 

На изборите Интегра освои 12.000 гласови, но не доби пратеничко место во Собранието.