Ресенчанец загина откако излета од пат
Ресенчанец рано изутрина загина откако со своето возило „мерцедес“ излетал од локалниот пат Макази - Маркова Нога кај селото Подмочани.
„На 10.06.2023 во 04.05 часот во Полициската станица Ресен било пријавено дека на регионалниот пат Макази - Маркова Нога, пред с.Подмочани, ресенско, патничко возило „мерцедес“ со ресенски регистарски ознаки, управувано од А.Р.(45) од Ресен, излетало од патот“, објавено е во полицискиот билтен.
Од здобиените повреди на местото починал возачот А.Р., а смрт констатирал лекар од Итна медицинска помош. Увид извршиле екипа од Полициската станица Ресен и јавен обвинител.
Слично
Поврзани вести
