Институтот за трансфузиона медицина доби реновирани простории, а инсталирана е и современа апаратура. Реновиран е одделот за продукција, просториите за процесирање на дарувана крв, чување на свежо смрзната плазма, интермедиерниот простор, како и една просторија која била неупотребена, а сега е пренаменета во просторија за брзо смрзнување плазма.

Министерот за здравство Венко Филипче, кој денеска заедно со вицепремиерот Бујар Османи и заменик-министер за здравство Асим Муса, беше во посета на Институтот, најави дека и во следниот период продолжува подобрувањето на условите во здравствените установи.

– Институтот за трансфузиона медицина е позитивен пример за работа на јавна здравствена установа. Реновирани се просториите, обезбедени се нови комбиња, фрижидери и апарат за харвестрација на матични клетки, изјави Филипче.

Реновирањето и адапатацијата се извршени во периодот од јули 2018 до април 2019 година. Воведени се стандарди за квалитет, а условите за работа се соодветни на ЕУ стандардите и препораките.