Македонскиот премиер, Зоран Заев, е најпопуларниот политичар. 

Рејтингот на поранешниот премиер, Никола Груевски кој е во бегство паднал. 

На анкета 21,4 отсто од граѓаните се изјасниле дека имаат доверба во него. 14 процентни поени зад него е лидерот на опозицијата, Христијан Мицкоски, во кого доверба имаат 7,4 отсто од граѓаните. На екс премиерот Никола Груевски, пак, му веруваат само 2,7 отсто од испитаниците на анкетата на Телма и МЦМС, што ја напрви агенцијата М-проспект.

По Мицкоски следи претедателот Ѓорѓе Иванов со 6,12 отсто поддршка, по него е Али Ахмети од ДУИ  со 5,7, а петти е претседателот на Алијанса за Албанците, Зијадин Села, со 3,8 отсто поддршка.

Сепак, најголем процент или 39.9 од испитаниците одговориле дека немаат доверба во ниту еден политичар.