Речиси еден милион патници поминале лани низ „Александар Велики“
Вкупно 984.407 патници поминале низ скопскиот аеродром „Александар Велики“ минатата година, што е зголемување за 20% во однос на 2012-та, покажуваат податоците на ТАВ Македонија.
„Од 2010 година бројот на патници е зголемен за 44 проценти. Во последните три години бележиме просечен раст од 10 проценти, а највисокиот просечен раст во Европа е пет отсто“, истакна Алпер Тунгај Ерсој, заменик директор на ТАВ Македонија.Истанбул, Виена, Цирих, Лондон и Малме - ова се петте дестинации каде што во минатата година најмногу патувале македонските граѓани од скопскиот аеродром. Најголемиот број од граѓаните се превезуваат со „Визер“, потоа следуваат „Туркиш ерлајнс“, „Аустриан ерлајнс“ и „Пегасуз“. За оваа година ТАВ најавува нови директни летови од Скопје до Париз, до Келн, Франкфурт, Брисел и Рим.
Слично
Поврзани вести
