Пратениците едногласно го изгласаа ребалансот на буџетот со што жителите од поплавените подрачја кои претрпеа огромни штети ќе добијат целосен надомест вреден 35 милиони евра кои ќе бидат распоредени од државната каса.

Без оглед што пратениците се согласија за издвоената сума, опозицијата изрази голема загриженост што средствата се обезбедени од кредит преку издавање на еврообврзица, наместо да се направи прераспределба на непотребните буџетски трошења за амбициозните државни проекти. 

Пратениците исто така побараа средства итно да се распределат кај жителите на поплавените места бидејќи им е неопходна и при тоа да не се врши селекција и да се пази на транспарентноста за да нема злоупотреби.