Вчерашниот собраниски ден заврши со исцрпни дебати за избор на Спасе Глигоров за директор на Агенцијата за администрација.

Опозиционерите најмногу дебата посветија на овој предлог кој според нив е незаконски. Пратениците од редот на ВМРО ДПМНЕ велат дека со ова што го предлагаат Глигоров, кој имал долгогодишно искуство во општината Струмица СДСМ и власта прават партизација.

Од владеачката партија пак ги потсетија колегите од ВМРО ДПМНЕ дека досега сите меѓународни анализи, извештаи и институции констатирале целосна партизација на администрацијата и заробеност на Македонија како држава.

На денешниот дневен ред на Собранието е разрешувањето на актуелниот јавен обвинител Марко Зврлевски кој во јавноста важи за еден од најголемите послушници на претходната власт.

 Владата констатираше дека тој незаконски, ненавремено и недоволно стручно ја извршувал работата и затоа предложи негово разрешување при што доби зелено светло од советот на јавни обвинители.

Вчера опозиционерите пак побараа по брза постапка да се направат измени во законот и да се протрука предлогот јавниот обвинител да го предлагаат пратеници од опозицијата и истиот да се гласа со двотретинско наместо со просто мнозинство.

Кој ќе го смени Зврлевски засега е неизвесно.