Со одлуката за формирање на Канцеларија на Претседателот на Владата на Република Северна Македонија се формираат три нови Секретаријати, а Драги Рашковски ќе биде на чело на еден од нив.

Доскорешниот генерален секретар на Владата за ТВ24 потврдил дека ќе биде секретар за мониторинг и поддршка на институциите при реализацијата на владината програма, функција која е во сила од вчера.

Покрај секретаријатот за мониторинг и поддршка на институциите, формирани се уште два - за организација и администрација на работата на претседателот на Владата на Република Северна Макдедонија и за комуникации и јавни политики.

Во вторникот Владата објави дека на местото на Рашковски нов генерален секретар ќе биде Мухамед Зекири.