Во време кога градската власт води битка со локалната власт на Чаир околу, како што се наведува во обвинувањата дека таму има огромен број дивоградби, а во целата политичка препирка е вклучена и власта и опозицијата, на скопјани им останува еден голем проблем, а тоа е ѓубрето.

Имено, ѓубре има насекаде, расфрлано по улици и надвор од контејнерите каде што му е местото.

Читател ни испрати фотографии од улицата Боемска, општина Центар, буквално во централното и најпознатото градско подрачје, кое е седиште на бројни кафеани и ресторани кои служат за разонодување на жителите на главниот град, и важат за едни од подобро посетените и популарни угостителски објекти.

Но, за жал, бројни отпадоци расфрлани насекаде и несобрани, го нагрдуваат лицето на овој дел од Скопје.