Според Глобалниот индекс на иновации, Македонија е на 61 место од 127 земји. 

Од регионот Словенија е 32, Бугарија е 36, Унгарија е 39, Хрватска е 41, Романија е 42 и Црна Гора е 48 по ред. Србија е 62,  послаби од неа се БиХ и Албанија. За пример на Балканот е Словенија чија економија се темели на иновации. 

Најиновативна е Швајцарија која е прва, втора е Шведска, Холандија е трета  и четврта е САД. 

За да се состави листата земени се во обзир повеќе критериуми како политичка стабилност, законодавство, бизнис клима, човечки капитал, инфраструктура, софистицираност на пазарот, креативен и технолошки аутпут, но и квалитет на образование. За секој критериум имало посебно оценување за секоја земја.