На светските пазари, цените на нафтата паднаа за повеќе од 11 проценти минатата недела, според извештаите на берзата, по договорот за примирје меѓу Израел и Иран и стравувањата од прекини во испораките на сурова нафта од Блискиот Исток.

Цената на барелот на лондонскиот пазар се намали за 12 проценти - на 67,77 долари, додека на американскиот пазар цената на барелот падна за 11,3 проценти - на 65,52 долари.

Поостриот пад на цените започна на почетокот на минатата недела, кога беше постигнат договор меѓу Израел и Иран за прекин на огнот и отстранување на стравувањата дека ќе биде затворен Ормутскиот теснец меѓу Иран и Оман, кој ги поврзува Персискиот и Оманскиот Залив.

Помеѓу 18 и 19 милиони барели сурова нафта и гориво минуваат низ теснецот дневно за клиенти од целиот свет.

Цените на нафтата се движат постепено и приближно ги достигнаа нивоата на кои беа пред избувнувањето на израелско-иранскиот конфликт.