Борис Мутков - Фантом, еден од учесниците во толпата која упадна во Собранието на 27 април, доживеал напад од огнено оружје во скопската населба Бардовци.

Нападот се случил синоќа околу полноќ, а во него било пукано со автоматско оружје во близина на мостот во самата населба додека се движел со автомобилот.

Информациите велат дека во неговиот „мерцедес“ е пукано од друг автомобил, а возилото било цело изрешетано од куршуми.

Фантом при пукањето е ранет и пренесен во најблиската болница на згрижување.

Мутков е еден од оние што доби условна казна затвор за упадот во Собранието.

Некои извештаи го поврзуваат со неодамнешното пукањето во Александар Палас минатиот месец.

Засега сторителите не се познати, а полицијата се уште нема детали.