Во интервју за бугарската телевизија БНТ, поранешниот бугарски претседател, Георги Прванов оценува дека „туркањето“ на договорот во Парламентот, откако референдумот не го достигна потребниот цензус, не би резултирало со помирување и постигнување национален консензус, туку би ги заострило спротивностите.

Прванов коментира дека иницијативата за промена на името на Македонија нема да доживее успех и дека Бугарија би требало да се постави како фактор за надминување на кризата и во договор со македонската страна да побара прием на Македонија во меѓународните организации под нејзиното уставно име.

Прванов вели дека Македонија е нестабилна, а граѓаните се конфронтирани.