Првата седница на новата Влада  ќе се одржи денеска напладне. 

Дневниот ред на седницата сѐ уште не е објавен. Се претпоставува дека една од точките ќе биде именувањето на кандидатите за функционери од вториот и од третиот ешалон.

За заменичките позиции во министерствата се очекува кандидати да предложат сите партии што влегоа во владиниот состав. 

Можно е да се разговара и за новиот генерален секретар на Владата. На маса ќе биде изборот и на нов директор на Службата за општи и заеднички работи.

Новата Влада досега предложи измени на повеќе закони, со што се укина екстерното тестирање и се продолжи мандатот на градоначалниците до средината на октомври за кога се закажани локалните избори.