Министерот за внатрешни работи Оливер Спасовски ќе го отвори првиот состанок со кој стартува работната група за ветингот во МВР.

Оваа група до 1 октомври треба да подготви предлог план кој потоа ќе се достави до Владата на усвојување.

Како што беше најавено од претходните средби, за ова прашање ќе биде потребно и обезбедување на консензус меѓу главните политички субјекти како клучниот сегмент за спроведување на ветингот во Република Северна Македонија.

Со ветингот треба да се спроведе комплетна и комплексна анализа на фактичката состојба, потребата, постапката и последиците од истиот во македонската полиција. 

Се очекува и кадровска подготовка за замена на вработените кои нема да го поминат процесот на ветинг, а ору тоа функционалноста на системот да не трпи.