Граѓаните од југоисточна Македонија протестите ќе ги преселат во Скопје пред Владата на Република Македонија заедно со поддршка од сите граѓани кои се против изградбата на планираните рудници со што може да се загрози животната средина, здравјето на луѓето и чистата земјоделска почва која е главен извор на финансии за многу семејства.

Организаторите кои повикаа на протестен марш велат дека и покрај тоа што живеат во Скопје, негативните последници од рудниците ќе ги чувствуваме и ние, и дека рудниците се проблем на целата земја! Екстрактивизмот не е живот, тој го уништува животот!

Тие апелираат за солидаризирање со нашите сограѓани, да искажеме став против, и да побараме итно сопирање на изградбата на рудникот! Собирот ќе биде пред Влада на Република Македонија, каде што ќе одржи протестот и директно ќе се достави барање за мораториум на сограѓаните од Југоистокот!

Во нивниот повик за протест стои и пораката за сите коишто сакаат да бидат дел од протестот, да донесат транспаренти, пораки и за стопирање на рудниците на смртта!

Утрешниот протестен марш се организира од страна на Плоштад Слобода, со почеток во 12 часот пред Влада.