Државниот обвинител Љубомир Јовески денеска изјави дека пропаднал обидот на ОЈО и на МВР да обезбедат снимки од бегството на Никола Груевски низ Албанија на патот кон Унгарија, каде што поранешниот премиер доби азил и ја избегна затворската казна.

Оправдувањето е дека системот од безбедносните камери од граничните премини на албанска страна биле автоматски избришани поради немање место. 

 - Има неколку образложенија од албанската страна, но основно е дека имало голем број снимени материјали на камерите и дека тој нивни систем не можел подолго да ги чува - рече Јовевски.

Со барање на меѓународна помош, македонските органи за гонење требаше да дојдат до заклучок како успеал Груевски да побегне, пред изготвувањето на официјалниот извештај.