Проектот „Купи куќа, купи стан“ продолжен до крајот на 2012-та
И во текот на ноември и декември, граѓаните ќе можат да аплицираат за субвенционирани станбени кредити преку проектот „Купи куќа, купи стан“, за еден од двата понудени модели.
За првиот модел „Половина рата“ Владата ќе плаќа половина од месечната рата (главница и камата) во првите 5 години од отплатата на кредитот, информираат од Министерството за финансии. Каматата на станбениот кредит е субвенционирана и изнесува 4,99 проценти за првите три години, а 5,5 отсто за четвртата и за петтата година од отплатата.
Според вториот модел „Половина учество“, Владата ќе плати 50 отсто од учеството за кредит за купување стан или за изградба на куќа или најмногу до 6.250 евра за кредит од 50.000 евра. Каматата на станбениот кредит е субвенционирана и изнесува ЕУРИБОР + 4,5 процентни поени во текот на целиот период на отплата.
Слично
Поврзани вести
