Поради летните одмори, Конкурсот за ангажирање на реонски попишувачи и инструктори во претстојниот Попис на населението, домаќинствата и становите во Република Северна Македонија, е продолжен до 12 август, информира Државниот завод за статистика.

„Државниот завод за статистика, со цел да обезбеди доволен број на кандидати за попишувачи и инструктори од кои ќе може да направи избор на најдобрите кои ќе го спроведат попишувањето на терен, го продолжи јавниот конкурс за пријавување и ги повикува сите заинтересирани да се пријават на електронската апликација на следните линкови“, соопшти ДЗС.

Од таму потсетуваат дека заинтересираните кандидати кои ќе достават електронска пријава, потребните документи треба да ги доставуваат исклучиво во хартиена форма по пошта до Државниот завод за статистика, ул. Даме Груев бр.4 во Скопје, п.фах 506, најдоцна  до 16.08.2021 година или на денот на закажаното тестирање во просториите каде што ќе се спроведе тестирањето.

„Останатите утврдени услови од претходно објавениот конкурс остануваат во сила“, додаваат од таму.