Приведен демонстрант кој повреди полицаец за време на вчерашниот протест и против него поднесена кривична пријава.

Eдиницата за насилен криминал - Одделение за насилен криминал при СВР Скопје, денеска по преземени мерки и активности, лишен е од слобода Г.К.(22) од Скопје. Вчера околу 20.35 часот, за време на одржување на јавен собир на граѓани, организиран преку социјални  мрежи, Г.К. започнал да фрла со тврди предмети кон полициските службеници кои вршеле службени дејства околу обезбедување на собирот, нанесувајќи му повреда на еден од нив. Во координација со ОЈО Скопје поднесена е кривична пријава по брза постапка за кривично дело „учество во толпа што ќе изврши кривично дело“ по член 385 од Кривичниот законик и лицето е изведено пред Судија на претходна постапка.