Новата населба „ Градина“ е вистинска атракција во Прилеп кога се работи за купивање на парцели. За неколку   месеци во населбата се купени 18, парцели, а овој месец на продажба се огласени уште пет.

Почетната цена на 5-те огласени парцели од по 300 метри квадратни, е едно евро од метар квадратен, а единствен услов е да се користи енергетска ефикасност и термо фасади.

Новата, по европски стандарди населба „Градина“ е проектирана на 62 хектари со вкупно 400 парцели од кои преку 300 се за индивидуални куќи.

- За најмногу 35.000 евра со купената парцела, платени комуналии и комплетна изградба може да се добие голем и убав дом. Погодно е за младите брачни двојки и ефективно за владиниот проект: купи куќа купи стан. Локалната самоуправа годинава има во буџетот одвоено пари за комплетната инфраструктура во населбата со нови училишта, трговски центри, зелени површини, вели градоначалникот Марјан Ристески.