При падот на дрвото во Скопје повредени биле две жени, oд кои едната потешко, соопшти полицијата. 

Во СВР Скопје вчера во 14.27 часот е пријавено дека на бул.„Климент Охридски“ во Скопје, поради лошите временски услови паднало дрво и повредило двајца минувачи. Со тешки телесни повреди се здобила В.Л.(28) од Прилеп, констатирани во Комплексот клиники „Мајка Тереза“ Скопје, а со телесни повреди се здобила А.А.(35) од Скопје, констатирани во Градската општа болница „Св.Наум Охридски“. 

Вчера во Скопје имаше невреме. Силниот ветер предизвика паѓање на дрвја, па дури и фасадата од зграда во Аеродром беше уништена. Невреме во Скопје имаше и минатата недела, а вчера и во регионот имаше невреме кое во Црна Гора однесе и жртви.